Qisqacha Tizim tariflari Hamyon turlari Boshqarish usullari Xavfsizlik va maxfiylik
Tavsif
Kelishuvlar
Tizim subyektlari
Kiritish va chiqarish
Qo‘llab-quvvatlash
Dasturchilar uchun
Hamkorlik

Tizimning qisqacha tavsifi

WebMoney Transfer texnologiyasi Internet orqali axborotni boshqarish tizimlariga qo'yiladigan zamonaviy xavfsizlik talablarini hisobga olgan holda ishlab chiqilgan.

Axborotning haqiqiyligini aniqlash Tizim orqali o'tadigan har qanday ma'lumotlar xavfsizligini ta'minlashda asosiy nuqta hisoblanadi.

WebMoney Transfer autentifikatsiyaning 3 ta asosiy usulini ko'zda tutadi:

  • Login va parol yordamida. Login sifatida aloqa uchun ko'rsatilgan WMID, telefon yoki e-mail bo'lishi mumkin. Odatda bu usul bilan qo'shimcha tasdiqlash qo'llaniladi.
  • Maxfiy kalitlar fayllari yordamida. WM Keeper WinPro'ni ishga tushirish uchun quyidagilar kerak: noyob 12 xonali WM-identifikator, parol (foydalanuvchi tomonidan belgilanadi), shuningdek kompyuter xotirasida saqlanadigan maxfiy kalit va hamyonlar fayllari. DIQQAT! Kalitlar va hamyonlar fayllarining zaxira nusxalarini albatta ko'chma axborot tashuvchida saqlang  va ularni ishonchli joyda saqlab qo'ying! Bu kompyuteringizdagi fayllar yo'qolgan yoki yo'q qilingan taqdirda hamyoningizga kirish huquqini tiklashni sezilarli darajada osonlashtiradi.
  • shaxsiy raqamli sertifikatlar yordamida.

Hamda operatsiyalarni qo'shimcha tasdiqlashning ikki usuli:

  • Telefonga tekshiruv kodini yuborish yordamida.
  • Bir martalik parollarni yaratuvchi E-Num xizmati yordamida.

Tizim arxitekturasi foydalanuvchilarning WM-hamyonlariga himoyalangan kirishni ta'minlaydi va mablag'i yo'q WM-hamyonlardan foydalanib hisob-kitob qilishga yo'l qo'ymaydi.

Tizim darajasida aloqa uzilishlariga chidamlilik ta'minlanadi. Tranzaksiya amalga oshirilayotganda mablag' har doim yoki jo'natuvchining WM-hamyonida, yoki oluvchining WM-hamyonida bo'ladi. Tizimda oraliq holat mavjud emas. Shunday qilib, prinsipial jihatdan WM-mablag'lar yo'qolib qoladigan vaziyat yuzaga kelishi mumkin emas.

O'rnatilgan texnologik mexanizmlardan tashqari, tizimda foydalanuvchilar o'zlari sozlaydigan qo'shimcha xizmatlar qo'llab-quvvatlanadi.

Xavfsizlik usullari haqida batafsil ma'lumotni  Webmoney Transfer tizimi xavfsizligiga bag'ishlangan saytdan o'qishingiz mumkin.

Identifikatsiya

Ro'yxatdan o'tishda WebMoney Transfer ishtirokchisiga tizimda ishlash uchun zarur bo'lgan noyob raqam - 12 xonali WM-identifikator (WMID) beriladi.

Tizimda WM-identifikator egasining shaxsini tasdiqlash uchun WM-attestatsiya amal qiladi.

Tizim foydalanuvchilari o'z ilovalarini yaratishda ishtirokchilarni identifikatsiya va autentifikatsiya qilish uchun avtomatlashtirilgan vositalardan foydalanishlari mumkin ( "Dasturchilar uchun" bo'limiga qarang).

Maxfiylik

WM Keeper dasturi yordamida o'zingiz haqingizdagi ma'lumotlarni (ism, familiya, e-mail, pochta manzili va h.k.)  WebMoney Transfer'ning boshqa ishtirokchilari ko'rishi uchun aks ettirishni sozlashingiz mumkin. Bunda bitimlar tuzishda ikkinchi tomonga faqat o'zingiz tanlagan ma'lumotlar ko'rinadi.

Agar savdo hamkoringiz sizdan yuqorida sanab o'tilgan shaxsiy ma'lumotlarning ayrimlarini ko'rsatishni talab qilsa va siz bu talabga rozi bo'lsangiz, tizimning shaxsiy xavfsizlik sozlamalari bu ma'lumotni ochiq qilish imkonini beradi.

WM-identifikatoringiz bo'yicha foydalanayotgan WM-hamyonlaringiz raqamlarini aniqlab bo'lmaydi. Xohlasangiz, kompyuteringizga WebMoney Keeper'ning istalgan sondagi versiyalarini o'rnatib, tizimga turli WM-identifikatorlar ostida kirishingiz mumkin.